男朋友１００戒條　　copy from 囡日記

1 唔准同任何13歲以上31歲以下無血緣關係既女性單獨外出或者傾超過2分鐘電話。
2 我'meet'你既時候或'即'你暗瘡時，你唔准縮。
3 我甚少會check你既通話記錄，但係你最好唔好俾我聽到你同不明來歷既女人講電話。 
4 你個電話裡面最多只可以有兩個女人既相，你媽媽同我。 
5 唔好俾我見到你著白襪，除左番學迫不得已要俾人捉果時。
6 我明白每個人都有過去，你會有舊情人既相呀信呀禮物呀，但最好係俾我發現前消滅證據，更加唔好係我面前飄揚，   有咩爛左唔好怪我。
7 我鍾意收情信。
8 每日起碼要打三次電話俾我，因為我會掛心你。
9 你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。 
10 我地未必可以一生一世，但希望你同我一齊既時候，每一刻都對我認真。 
11 我鍾意既野你好易可以留意到，唔好買d我唔鍾意既野比我。
12 你心裡面諗d咩，一定要同我講，因為我好蠢，你唔同我直接講我唔會知道。
13 我去dating你叫我玩得開心d既話，我會以為你唔愛我唔緊張我唔想要我。
14 我鍾意男朋友Tum我。
15 我希望你會記得一切既大時大節生日同紀念日，我唔會提，亦會扮大方，但唔代表我想你失憶，失憶者後果請自負。
16 男子雖以才為貌，但係都要乾乾淨淨。
17 唔好企圖或意圖用「同學仔者，妹妹仔泥者……」黎做藉口安慰我，我唔會睇小妹妹仔既威力，因為我都曾經年青過。
18 我唔要係你電話入面聽到把聲尖，驕爹d既人同你講野。
19 唔准對我講大話，小型大話都唔準！
20 我唔鐘意見到我鐘意既人黑口黑面，因為黑口黑面係會傳染的。
21 除非d食物真係好好味，否則我唔想去任何張椅冇椅背既餐廳。
22 出街一定要拖實我，因為我會蕩失路。
23 我唔揀飲擇食，所以食咩可以係由你決定，不過，揀甜品既主導權歸我。
24 如果我遲到，都只係因為我想著靚 d見你，所以你唔好鬧我或表示不耐煩。
25 你最好唔好有一堆女性朋友同契妹之類既不明物體係身邊，否則我會大你三十萬用行動證明俾你睇我都有一籮男性朋友同契哥加uncle。
26 我係一個成日發脾氣既淑女，你最好忍耐一下。
27 食飯時第一箸夾既食物記得要係俾我既。
28 唔知點解我突然間又好想去睇King Kong。
29 你唔好走去旺中買o個d所謂既純銀俾我，我會皮膚敏感。
30 我鐘意望住工作認真既你，但認真同時都會理我。
31 我會想你同我一齊揀Lingerie，你唔需要面紅。
32 希望你唔好對我有咩負面評價，多謝合作！
33 我鍾意食好多野，得閒買d好好味既野比我 ，我會好開心
34 我知道你冇可能每秒鐘都掛住我，但係如果你全日都冇諗起我，我會好驚。
35 如果你著到成個Hip Hop仔或者 MK Guy咁樣同我出街，我會面青。
36 如果你發脾氣時可以鬧我，但請緊記後果。
37 如果有咩唔開心時，請自動致電，尋求我與你傾訴。
38 記得要多d同我既父母social，因為我同佢地關係唔好，靠你去修補。
39 Shopping時最好陪係我隔離，如果唔係我又會買一大ｚa唔等使既野番泥。
40 你鐘意行咩鋪頭同我講，我是會陪你去的。
41 我有好多時會唔開心，但見到Marie同Ariel就會開心的。
42 唔好批評我既好朋友，因為我同佢地共過患難，唔係酒肉朋友。
43 我承認我係一個膚淺既人，你哄我，我就覺得你愛我。
44我唔介意你係街度望其他女仔，只不過你望果時我會望其他男仔望到身都另轉埋。
45 如果你見到我望住本《飲食男女》兩眼發光，你可以留意下係邊間餐廳，唔太貴既就帶我去試下。
46 我鍾意食米線，但係如果大時大節紀念日生日時都係食米線，我會發火。
47 我喊既時候，你一定要哄我，因為我只會係好傷心好傷心既時候先喊。
48 你打機既時候，我會自己搵野做，你唔需要擔心，最好你教我打埋一份。
49 你最好有一首只係屬於我既電話鈴聲。
50 如果你冇開口講，我都為你去改變，代表我真心鍾意你，請你珍惜我。
51 我會好樂意幫你煮飯執屋做massage，但係請你唔好當「奉旨」。
52 買野俾錢既時候，你記得要快我一步去cashier。
53 我會間唔時嗌「唔知想點囉唔知想點囉 ……」呢句係我既口頭禪，你唔需要太恐慌。
54 你需要比我更清楚我既電話、 DC同電腦既操作。
55 當你睇波既時候，我會問你「咩係12碼」等低B問題，你唔好嫌我煩，因為我真係有興趣，但從來冇人教過我。
56 我會希望你將我介紹俾你既朋友識。
57 我都有我既朋友，放假時同朋友出下街都好正常。
58 因為我有一d唔係太開心既過去，對人好冇安全感。所以請你用用行動話俾我知你對我係認真既， 你唔係玩玩下。
59 你先要陪我，然後盡量抽時間努力讀書。
60 你唔需要係有錢仔，但係要有上進心，想出人頭地。
61 你一定要有自己既理想。
62 我唔會問你「我今日有咩唔同」，但你最好每次見我都由頭到腳scan一次，我事後會問番你。
63 我想同你睇日出。
64 我有寫 xanga既習慣，如果你發現o個篇係講你既，你最好俾d反應我。
65 我好刁蠻任性。
66 你要做我既人肉地圖。
67 我M前,後,同M到果一個星期會情緒暴躁，你要小心d 。
68 我發脾氣cut你線，你唔打番泥，12小時後即見效！
69 如果我同你ai交，我會希望你去Tum番我而唔係我去Tum番你。
70 如果依家唔知點對我好既話，請緊記追我果時所做既一切。
71 你煮飯俾我食，就算只係一碗餐蛋麵，我都會開心過食 Rougie鵝肝。
72 我會對你溫柔，同時你都要對我溫柔。
73 我好有興趣知你既戀愛史，最好由頭到尾同我講一次。
74 因為愛你，我會珍惜自己，要自己身體健康，叫自己開開心心，你都係。
75 如果有一日，我地分左手，我都希望可以繼續做朋友。
76 我唔係唔想陪你打機，而係未搵到當中ge樂趣。
77 我最憎人唔信我。
78 如果你愛我，你唔會捨得要我傷心。
79 我都鍾意得閒打下squash，你最好得閒陪下我。
80 一個男人對女人最大既尊重係向佢求婚，其次係帶佢返去同父母食飯。
81 男朋友既功用係對女朋友好，女朋友既功用係對男朋友好。
82 我慣左每隔一排同你影一次貼紙相，麻煩你幾唔得閒都要陪影左先。
83 好多事唔係我懶底扮唔識搵你做，而係我真係唔識。
84 我希望你間唔中都會俾比d小驚喜我，係「小驚喜」，唔係「大驚喜」。
85 唔準太夜番屋企，我會好擔心。
86 唔好熄電話，萬一半夜我要去急症室我會想你陪我。
87 我唔鐘意收花的，請不會送花。
88 我要你好愛我好愛我好愛我好愛我。
89 請記住你自己講過既應諾，唔好口輕輕應承我d咩野又做唔到。
90 如果你見我個樣冇乜表情冇咩反應，唔係我唔緊張你，而係愛一個人就會變得笨拙，我唔知用咩表情面對你好。
91 如果有人追你，記得同我講，我會用掃把掃走佢。
92 好遺憾我冇機會細細個就識得你，所以宜家請你俾多d時間我，俾機會我去了解你。
93 我會好鐘意睇埋d好得意既野，呢d係天生的。
94 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
95 唔好做d對我唔住既事。
96 我知你對我用咩化妝品護膚品冇興趣，不過問下咩顏色好都得掛。
97 你要記得間中同我講「 I love you」，否則我會以為你唔再愛我。
98 我地要開一次會，睇下你對呢d 戒條有冇異議。
99 條文內如果有唔清楚既地方，以我講既話為依歸。
100 其實，我明白遵守呢d規則需要很大的毅力，不過我希望你最好明白我做既一切都係為左你，希望你明白，我愛你

1.這問卷是誰傳給你的??

阿太

2.跟他/她(貼你的人)是在怎樣的情況下認識的?

大氣電波中

3.認識多久了?

2年零14日

4.他/她有什麼別於一般人的特點??

佢對我好好好好好,,佢愛我

5.在你心中他是怎樣的人?

我太太